TCG卡套種類＋選購攻略！
你有冇試過走入卡牌店，一望就見到成面牆咁多唔同款式嘅卡套，然後呆咗兩秒？🙃
「咩事咁多種卡套？邊款先啱我用㗎…」
森編第一次玩卡牌都係咁，記得嗰次拎住張寶可夢卡，諗住買卡套保護下，結果買咗遊戲王size嘅卡套，返到屋企先發現套唔落，因為尺寸唔同…又唔好意思退貨，唯有認命行返入店再買一包。
唔使怕！今次森下幫你拆解晒所有卡套種類，等你買卡套唔再踩地雷！
【卡套幾層都有得揀】咩係一層、兩層、三層保護？
喺 TCG 嘅世界，卡套唔只係保護卡咁簡單，而係有分唔同層數嘅設計：
- 第一層（內層）：最貼近卡片，阻隔刮花，屬於最基本保護。
- 第二層（中層）：多數係官方圖案卡套，或者素色競技用卡套。
- 第三層（外層）：材質更厚實、滑順，保護外層卡套，適合對戰或者展示。
- 第四層（特厚保護）：主要用嚟展示或者收藏重要卡組，提供最高保護力。
【尺寸對照表】睇清楚卡size先買啦！
為咗方便大家揀岩自己卡嘅卡套，森下將包裝系統更新成：
🔴 暖色系包裝：標準尺寸卡牌（MTG、美版海賊王）
🔵 冷色系包裝：日本尺寸卡牌（遊戲王、寶可夢）
卡套尺寸分類（mm）
| 尺寸 | 適合卡牌 | 推薦用途 | 特點 |
|---|---|---|---|
| 61×88 | 日本尺寸 | 內層 | 基本保護 |
| 66×93 | 日本尺寸 | 外層 | 加厚抗刮 |
| 69×94 | 日本尺寸 | 第四層 | 展示收藏適用 |
| 64×89 | 標準尺寸 | 內層 | MTG/海賊卡牌用 |
| 66×92 | 標準尺寸 | 中層 | 雙層保護配搭 |
| 69×94 | 標準尺寸 | 外層 | 防刮抗壓 |
【卡牌玩家點揀？對號入座就啱啦！】
🎴 新手玩家／基本保護就夠用：建議用第一層內層卡套，夠輕夠抵玩
🃏 競技玩家／注重手感與保護：建議搭配內層＋中層，穩陣又實用
💎 收藏黨／動漫限定卡套控：務必加上第三層或第四層保護，卡套都要保護！
【森下新包裝、新系統！4/15 起全面更新】
森下會喺 4/15 開始推出全新卡套包裝系統，色系清晰，幫你一眼就揀到適合你卡片尺寸嘅卡套～唔洗再擔心買錯啦！快啲嚟試下森下新嘅分類方式，挑卡套唔再煩惱，卡牌保護升級 Level Up！